ထရမ့်ပ်၏ ဖိတ်ကြားချက်အရ ကမ္ဘာ့ဖလားဗိုလ်လုပွဲသို့ မက္ကဆီကိုသမ္မတ ကလော်ဒီယာ ရှိန်းဘွမ်း တက်ရောက်မည်

အမေရိကန်သမ္မတ ဒေါ်နယ်ထရမ့်ပ်၏ တိုက်ရိုက်ဖိတ်ကြားချက်အရ တနင်္ဂနွေနေ့တွင် ကျင်းပမည့် ကမ္ဘာ့ဖလား ဗိုလ်လုပွဲသို့ တက်ရောက်ရန် ဆုံးဖြတ်ခဲ့ကြောင်း မက္ကဆီကိုသမ္မတ ကလော်ဒီယာ ရှိန်းဘွမ်းက မီဒီယာများသို့ ပြောကြားခဲ့သည်။ မက္ကဆီကိုသမ္မတသည် မိမိနိုင်ငံ၌ ကျင်းပခဲ့သော ကမ္ဘာ့ဖလားအဖွင့်ပွဲစဉ်ကိုမူ တက်ရောက်ခြင်းမရှိဘဲ သူမ၏ ပွဲကြည့်လက်မှတ်ကို ဌာနေတိုင်းရင်းသားအမျိုးသမီးတစ်ဦးထံ လွှဲပြောင်းပေးအပ်ခဲ့ဖူးသည်။ ယခုပွဲစဉ်တွင် အမေရိကန်သမ္မတအပြင် ကနေဒါဝန်ကြီးချုပ် မာ့ခ် ကာနေးလည်း တက်ရောက်ရန်ရှိနေပြီး ခရီးစဉ်နှင့်ပတ်သက်သည့် အသေးစိတ်အချက်အလက်များကို နောက်ရက်တွင် ထပ်မံထုတ်ပြန်သွားမည်ဖြစ်ကြောင်း သိရသည်။