နယ်စပ်အငြင်းပွားမှု ဖြေရှင်းရန် ထိုင်းနှင့် ကမ္ဘောဒီးယားခေါင်းဆောင်များကို တရုတ်သမ္မတ ရှီကျင့်ဖျင် တိုက်တွန်း

တရုတ်သမ္မတ ရှီကျင့်ဖျင်သည် ထိုင်းနိုင်ငံနှင့် ကမ္ဘောဒီးယားနိုင်ငံတို့မှ ခေါင်းဆောင်များကို တစ်ရက်တည်းတွင် သီးခြားစီ တွေ့ဆုံခဲ့ပြီးနောက် နှစ်နိုင်ငံအကြား ဖြစ်ပွားနေသည့် နယ်စပ်အငြင်းပွားမှုများကို ငြိမ်းချမ်းစွာ ဖြေရှင်းကြရန် တိုက်တွန်းပြောကြားခဲ့သည်။ ပြီးခဲ့သည့်နှစ်အတွင်းက ဖြစ်ပွားခဲ့သော နယ်စပ်ပဋိပက္ခသည် ဆယ်စုနှစ်တစ်ခုကျော်ကာလအတွင်း အဆိုးရွားဆုံးအဆင့်သို့ ရောက်ရှိခဲ့ပြီး စစ်သားနှင့် အရပ်သား ၁၀၀ ကျော် သေဆုံးကာ ရာနှင့်ချီ၍ ဒဏ်ရာရရှိခဲ့သည်။ ၂၀၂၅ ခုနှစ် ဒီဇင်ဘာလတွင် ရရှိထားသည့် အပစ်အခတ်ရပ်စဲရေး သဘောတူညီချက်ကြောင့် လက်ရှိတွင် အခြေအနေများ ပြန်လည်တည်ငြိမ်နေသော်လည်း နယ်စပ်တွင် သဘောတူညီချက် ချိုးဖောက်မှုများရှိနေကြောင်း နှစ်ဖက်အပြန်အလှန် စွပ်စွဲမှုများ ရှိနေဆဲဖြစ်ကြောင်း သိရသည်။