Facebook ၏ Desktop/Web Version တွင် အကောင့်ယာယီအသုံးပြု၍မရသည့် ချို့ယွင်းချက် ကမ္ဘာတစ်လွှား ဖြစ်ပွားနေ

ယနေ့ (ဇူလိုင် ၁၉ ရက်) မြန်မာစံတော်ချိန် မွန်းလွဲ ၂ နာရီခွဲကျော်ခန့်မှစတင်ကာ Facebook အသုံးပြုသူအများအပြားသည် Desktop/Web Version တွင် “Account Temporarily Unavailable” (အကောင့်ကို ယာယီအသုံးပြု၍မရပါ) ဟူသော Error နှင့် ကြုံတွေ့နေရပြီး အသုံးပြု၍မရဘဲ ဖြစ်နေကြောင်း သိရသည်။ အဆိုပါ ချို့ယွင်းမှုမှာ မိုဘိုင်းလ်ဖုန်း App များတွင်မူ ပုံမှန်အတိုင်း အသုံးပြုနိုင်ဆဲဖြစ်ပြီး၊ ကမ္ဘာ့သတင်းများနှင့် လူမှုကွန်ရက်များ၏ ဖော်ပြချက်အရ ကမ္ဘာတစ်လွှားရှိ Meta အသုံးပြုသူများ ကြုံတွေ့နေရသည့် အခြေအနေဖြစ်ကြောင်း သိရသည်။ လက်ရှိတွင် Meta ကုမ္ပဏီဘက်မှ တစ်စုံတစ်ရာ တရားဝင်ထုတ်ပြန်ထားခြင်း မရှိသေးကြောင်း သိရသည်။