အာဆီယံနှင့် ဒေသတွင်းနိုင်ငံများမှ ပညာရှင်များ ပါဝင်မည့် မြစ်ကြီးနားနိုင်ငံတကာပညာရေးဖိုရမ်ကို နိုဝင်ဘာလတွင် ကျင်းပမည်

မြစ်ကြီးနားမြို့ သမိုင်းတစ်လျှောက် အကြီးကျယ်ဆုံးသော နိုင်ငံတော်အဆင့် “ပထမအကြိမ် မြစ်ကြီးနားနိုင်ငံတကာပညာရေးဖိုရမ် (၂၀၂၆)” ကို လာမည့် နိုဝင်ဘာလအတွင်း ကချင်ပြည်နယ်၊ မြစ်ကြီးနားတက္ကသိုလ်၌ ကျင်းပသွားမည်ဖြစ်ပြီး အဆိုပါဖိုရမ်သို့ အာဆီယံ (၁၀) နိုင်ငံအပြင် တရုတ်၊ အိန္ဒိယ၊ ဂျပန်နှင့် ကိုရီးယားနိုင်ငံတို့မှ တက္ကသိုလ်ပညာရှင်များ ပါဝင်တက်ရောက်ကြမည်ဖြစ်ကြောင်း ပြည်နယ်ဝန်ကြီးချုပ် ဦးခက်ထိန်နန် ဦးဆောင်သည့် လုပ်ငန်းညှိနှိုင်းအစည်းအဝေးအရ သိရသည်။