ကရင်ပြည်နယ်၊မြဝတီမြို့ရှိ ပတ္တမြားမယ်စက်သုံးဆီဆိုင်မှ မွေးနေ့အထိမ်းအမှတ်အဖြစ် အခြေခံလူတန်းစား လူဦးရေ ၂၆၀၀ အား ဆန်၊ ဆီနှင့် ငါးသေတ္တာဗူးများ လှူဒါန်း

ကရင်ပြည်နယ်၊ မြဝတီမြို့ရှိ ပတ္တမြားမယ်စက်သုံးဆီဆိုင်ပိုင်ရှင်၏သားဖြစ်သူ မောင်မင်းထည်ဝါ၏ ၂၆ နှစ်ပြည့် မွေးနေ့အထိမ်းအမှတ်အဖြစ် ယနေ့ (ဇူလိုင် ၁၈ ရက်) တွင် ဒေသခံအခြေခံလူတန်းစား လူဦးရေ ၂၆၀၀ အား တစ်ဦးလျှင် ဆန် ၃ ပြည်၊ ဆီ ၁ ဗူးနှင့် ငါးသေတ္တာ ၅ ဗူးစီကို စနစ်တကျ ခွဲဝေလှူဒါန်းပေးအပ်ခဲ့ကြောင်း ဒေသခံများထံမှ သိရသည်။ အဆိုပါ ပတ္တမြားမယ်စက်သုံးဆီဆိုင်ပိုင်ရှင် မိသားစုသည် မြဝတီမြို့ရှိ အခြေခံလူတန်းစားများအတွက် ငွေကြေးအပြင် ဆန်၊ ဆီ၊ ဆေး၊ ဆားနှင့် စက်သုံးဆီများကိုလည်း မကြာခဏ လှူဒါန်းလေ့ရှိကြောင်း သိရသည်။