အမေရိကန်၌ စံချိန်တင်အပူလှိုင်းဒဏ်အပြင် ရေကြီးမှုနှင့် တောမီးဘေးများပါ ကြုံတွေ့နေရသဖြင့် ပြည်သူများ အိမ်တွင်း၌သာ နေထိုင်ကြရန် တိုက်တွန်းနှိုးဆော်

အမေရိကန်ပြည်ထောင်စု အနောက်တောင်ပိုင်းအပါအဝင် ဒေသအများအပြားတွင် အပူချိန်များ သမိုင်းတစ်လျှောက် စံချိန်တင်လုနီးပါး မြင့်တက်နေသည့်အပြင် တောင်ပိုင်း၌ ရေကြီးခြင်းနှင့် အနောက်ဘက်၌ တောမီးလောင်ကျွမ်းခြင်းများ တစ်ပြိုင်နက်တည်း ဖြစ်ပေါ်နေသဖြင့် ပြည်သူသန်းပေါင်းများစွာ ဘေးအန္တရာယ်နှင့် ရင်ဆိုင်နေရကြောင်း ရိုက်တာသတင်းတွင် ဖော်ပြထားသည်။ ထို့ကြောင့် ပြည်သူများအနေဖြင့် အပူလျှပ်ခြင်းနှင့် ရေဓာတ်ခမ်းခြောက်ခြင်း အန္တရာယ်များမှ ကာကွယ်နိုင်ရန် နေရောင်ထဲသို့ တိုက်ရိုက်မသွားဘဲ လေအေးပေးစက်ရှိသည့် အိမ်တွင်း/အဆောက်အအုံအတွင်း၌သာ အတတ်နိုင်ဆုံး နေထိုင်ကြရန်နှင့် ရေများများသောက်ကြရန် သက်ဆိုင်ရာ ပြည်နယ်အုပ်ချုပ်ရေး၊ ကျန်းမာရေးနှင့် ရာသီဥတုဌာနများက အလေးအနက် သတိပေးတိုက်တွန်းထားကြောင်း သိရသည်။