မဟာဗျူဟာမြောက် ဟော်မုဇ်ရေလက်ကြားအား ဖြတ်သန်းကြရမည့် သင်္ဘောများပေါ်တွင် အိန္ဒိယ သင်္ဘောသား များကို အလုပ်မပေးရန်သင်္ဘောပိုင်ရှင်များ၊ သင်္ဘောလိုင်းများနှင့် သင်္ဘောသားခေါ်ယူစုဆောင်းရေးအေဂျင်စီများကို အိန္ဒိယအစိုးရကညွှန်ကြားချက် ထုတ်ပြန်ထားကြောင်းဇူလိုင် ၁၆ ရက် သတင်းများတွင်ရေးသားတင်ပြထားသည်။
ပြီးခဲ့သည့် ရက်များအတွင်းဟော်မုဇ်ရေလက်ကြားဖြတ်သင်္ဘောများ တိုက်ခိုက်ခံရမှုကြောင့် အိန္ဒိယနိုင်ငံသား သင်္ဘောသားနှစ်ဦး သေဆုံးခဲ့ရပြီးနောက် အိန္ဒိယအစိုးရ၏အထက်ပါညွှန်ကြားချက် ပေါ်ထွက်လာခြင်းဖြစ်သည်။ညွှန်ကြားချက်သစ်တစ်ရပ်နောက်ထပ်မရမချင်း ဟော်မုဇ်ရေလက်ကြားဖြတ်သင်္ဘောများအတွက်
အိန္ဒိယသင်္ဘောသားများကို စေလွှတ်ခြင်းမပြုရန် အိန္ဒိယအစိုးရ၏ထုတ်ပြန်ချက်၌ သင်္ဘောပိုင်ရှင်များ၊သင်္ဘောလိုင်းများနှင့် သင်္ဘောသားခေါ်ယူစုဆောင်းရေး အေဂျင်စီများကို ညွှန်ကြားထားသည်။အိန္ဒိယနိုင်ငံသည် ကမ္ဘာပေါ်၌ပင်လယ်ရေကြောင်း ကုန်သွယ်ရေးလုပ်ငန်းများအတွက် သင်္ဘောသားအင်အား တတိယအများဆုံး ဖြည့်ဆည်းပေးနေသော နိုင်ငံဖြစ်သည်။အိန္ဒိယအစိုးရ၏ တရားဝင်ကိန်းဂဏန်းများအရ နိုင်ငံတကာသင်္ဘောလိုင်းများ၌ အလုပ်လုပ်နေကြသော အိန္ဒိယသင်္ဘောသားဦးရေမှာသုံးသိန်းကျော်အထိရှိပါတယ်။
