ရှမ်းပြည်နယ်(တောင်ပိုင်း)၊ဆီဆိုင်မြို့နယ်ရှိ လျှပ်စစ်မီးမရသေးသည့် ကျေးရွာ ၆ ရွာအတွက် နယ်စပ်ရေးရာဝန်ကြီးဌာနက အိမ်သုံးဆိုလာ ၇၁၅ စုံ ထောက်ပံ့

ရှမ်းပြည်နယ် (တောင်ပိုင်း)၊ ဆီဆိုင်မြို့နယ်ရှိ နားသံကျေးရွာအုပ်စုနှင့် နားခိုက်ကျေးရွာအုပ်စုတို့မှ လျှပ်စစ်မီးမရရှိသေးသည့် ကျေးရွာ ၆ ရွာအတွက် နယ်စပ်ရေးရာဝန်ကြီးဌာနက ဇူလိုင် ၁၅ ရက်တွင် အိမ်သုံးဆိုလာ ၇၁၅ စုံ သွားရောက်ထောက်ပံ့ပေးခဲ့ကြောင်း သိရသည်။ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးဖုန်းမြတ်က ဒေသခံများ၏ ပညာရေး၊ ကျန်းမာရေးနှင့် လူမှုစီးပွားဘဝ ဖွံ့ဖြိုးတိုးတက်စေရန်အတွက် အမှန်တကယ်လိုအပ်သည့် ဆိုလာမီးများ တပ်ဆင်ပေးခြင်းဖြစ်ပြီး၊ နောင်တွင်လည်း ဒေသဖွံ့ဖြိုးရေးလုပ်ငန်းများကို ဘဏ္ဍာနှစ်အလိုက် စဉ်ဆက်မပြတ် ဆောင်ရွက်ပေးသွားမည်ဖြစ်ကြောင်း ပြောကြားခဲ့သည်။