မွန်ပြည်နယ်၊သထုံမြို့နယ်တွင် အမျိုးသားတစ်ဦး အိမ်ရှေ့ရေမြောင်းအတွင်း သေဆုံးနေသည်ကို တွေ့ရှိ

မွန်ပြည်နယ်၊ သထုံမြို့နယ်၊ ပေါ်တော်မူကျေးရွာ၌ အမျိုးသားတစ်ဦး ယမန်နေ့၌ နေအိမ်ရှေ့ရှိ ရေမြောင်းအတွင်း သေဆုံးမှုဖြစ်ပွားခဲ့ကြောင်း သိရသည်။သေဆုံးမှုဖြစ်စဉ်မှာ ပေါ်တော်မူကျေးရွာ၊ ဆင်ဖြူကျွန်းလမ်းရှိ နေအိမ်ရှေ့ရေမြောင်းအတွင်း ဖြစ်ပွားခဲ့ခြင်းဖြစ်ပြီး၊ အဆိုပါ အမျိုးသားသေဆုံးမှုကို ဒေသခံလူမှုကူညီရေးအသင်းများဖြစ်ကြသည့် သင်္ခါရလူမှုကူညီရေးအသင်းနှင့် အကြင်နာတွဲလက်အသင်းတို့က သွားရောက်ကူညီဆောင်ရွက်ခဲ့ကြသည်။ တာဝန်ရှိသူများက သေဆုံးသူ၏ ရုပ်အလောင်းကို သထုံပြည်သူ့ဆေးရုံကြီးသို့ ပို့ဆောင်စစ်ဆေးခဲ့ပြီးနောက် ၎င်း၏နေအိမ်သို့ ပြန်လည်ပို့ဆောင်ပေးခဲ့ကြောင်း သိရသည်။