ရန်ကုန်တိုင်းရှိ မရမ်းကုန်း၊ သင်္ဃန်းကျွန်းနှင့် မှော်ဘီမြို့နယ်တို့တွင် မိုးရွာသွန်းမှုကြောင့် သစ်ပင်များလဲကျ

ယနေ့ ဇူလိုင် ၁၅ ရက်တွင် ရန်ကုန်တိုင်းဒေသကြီးအတွင်း မိုးရွာသွန်းမှုကြောင့် မရမ်းကုန်း၊ သင်္ဃန်းကျွန်းနှင့် မှော်ဘီမြို့နယ်တို့၌ သစ်ပင်လဲကျမှုများ ဖြစ်ပွားခဲ့ကြောင်း သိရသည်။ ဖြစ်စဉ်များမှာ မွန်းလွဲ ၁ နာရီကျော်တွင် မှော်ဘီမြို့နယ်၊ တပ်ကြီးကုန်းကျေးရွာရှိ ရန်ကုန်-ပြည်လမ်းဘေး၌လည်းကောင်း၊ မွန်းလွဲ ၂ နာရီကျော်တွင် သင်္ဃန်းကျွန်းမြို့နယ်၊ သုဝဏ္ဏ (၂၉) ရပ်ကွက်၊ ပေါ်ဆန်းမွှေးလမ်းနှင့် ကမ်းနားလမ်းထောင့်၌လည်းကောင်း၊ မွန်းလွဲ ၃ နာရီ ၁၅ မိနစ်ခန့်တွင် မရမ်းကုန်းမြို့နယ်၊ အမှတ် (၅) ရပ်ကွက်၊ ဘုရင့်နောင်လမ်း၌လည်းကောင်း သစ်ပင်များ အသီးသီးလဲကျခဲ့ခြင်းဖြစ်သည်။ အဆိုပါ သစ်ပင်လဲကျရာနေရာများသို့ သက်ဆိုင်ရာ မြို့နယ်မီးသတ်တပ်ဖွဲ့ဝင်များနှင့် လူမှုကူညီရေးအသင်းများက ချက်ချင်းသွားရောက်၍ လမ်းပိတ်ဆို့မှုမရှိစေရန် ဖယ်ရှားရှင်းလင်းရေးလုပ်ငန်းများ ဆောင်ရွက်ခဲ့ကြကြောင်း သိရသည်။