ရှမ်းယူနိုက်တက်အမျိုးသမီးအသင်း သုံးပွဲဆက်နိုင်ပွဲရလဒ်နှင့်အတူ အမှတ်ပေးဇယားအဆင့် (၃) နေရာသို့ ယာယီတက်လှမ်း

Myanmar Women’s League 2026-27 ပွဲစဉ် (၅) အဖြစ် ဇူလိုင် ၁၂ ရက်က ပဒုမ္မာကွင်း၌ ယှဉ်ပြိုင်ကစားခဲ့ရာ ရှမ်းယူနိုက်တက်အက်ဖ်စီအသင်းက ရန်ကုန်စီးတီးအက်ဖ်စီအသင်းကို ၅ ဂိုး၊ ဂိုးမရှိဖြင့် ဂိုးပြတ်အနိုင်ရရှိကာ သုံးပွဲဆက်နိုင်ပွဲနှင့်အတူ အမှတ်ပေးဇယားအဆင့် (၃) နေရာသို့ ယာယီတက်လှမ်းနိုင်ခဲ့သည်။ ရန်ကုန်စီးတီးအသင်းသည် ပထမပိုင်းတွင် ခံစစ်ကစားပုံ ကောင်းမွန်ခဲ့သော်လည်း ဒုတိယပိုင်း၌ ရှမ်းယူနိုက်တက်အသင်းအား အခွင့်အရေးများ ဆက်တိုက်ပေးခဲ့ရပြီးနောက် ယခုကဲ့သို့ ဂိုးပြတ်ရှုံးပွဲ ကြုံတွေ့ခဲ့ရခြင်းဖြစ်ကြောင်း သိရသည်။