ကချင်ပြည်နယ်၊ မြစ်ကြီးနားမြို့နယ်၊ မလိခကျေးရွာရှိ မလိခရေတံခွန်သို့ နေ့စဉ် လာရောက်လည်ပတ်သူ ရာနှင့်ချီကာ စည်ကားလျက်ရှိကြောင်း ဒေသခံများထံမှ သိရသည်။ အဆိုပါရေတံခွန်သို့ သွားရောက်ရန် မြစ်ကြီးနား-ရွှေဘို ပြည်ထောင်စုလမ်းမကြီးအတိုင်း မိုင် ၂၀ ခန့် သွားရောက်ပြီး မလိခကျေးရွာလမ်းခွဲမှတစ်ဆင့် တောင်ခြေသို့ ၃ မိုင်ခန့် ဆက်သွားရကာ၊ ထိုမှတစ်ဆင့် တောလမ်းအတိုင်း ၁ မိုင်ခန့် လမ်းလျှောက်ရသည်။ ယခင်က နယ်မြေအခြေအနေကြောင့် လူသူအရောက်အပေါက် နည်းပါးခဲ့သော်လည်း လက်ရှိတွင် လှပသော သဘာဝရှုခင်းများကြောင့် လူငယ်နှင့် လူလတ်ပိုင်းများ အဓိကထား လာရောက်လည်ပတ်လျက်ရှိကြောင်း သိရသည်။
