လာအိုနိုင်ငံက ရှန်ဟိုင်းပူးပေါင်းဆောင်ရွက်ရေးအဖွဲ့ (SCO) ၏ ဆွေးနွေးဖက်နိုင်ငံအဆင့်ကို တရားဝင် အတည်ပြုလက်မှတ်ရေးထိုး

လာအိုပြည်သူ့ဒီမိုကရက်တစ်သမ္မတနိုင်ငံသည် ရှန်ဟိုင်းပူးပေါင်းဆောင်ရွက်ရေးအဖွဲ့ (SCO) ၏ ၁၅ နိုင်ငံမြောက် ဆွေးနွေးဖက်နိုင်ငံ (Dialogue Partner) အဖြစ် တရားဝင်ပူးပေါင်းရန် နားလည်မှုစာချွန်လွှာကို တရုတ်နိုင်ငံ ပေကျင်းမြို့ရှိ SCO အတွင်းရေးမှူးချုပ်ရုံး၌ လက်မှတ်ရေးထိုးခဲ့သည်။အဆိုပါ သဘောတူညီချက်ကို လာအိုဒုတိယဝန်ကြီးချုပ်နှင့် နိုင်ငံခြားရေးဝန်ကြီး သောင်စလန် ဖွန်ဗီဟန် (Thongsavanh Phomvihane) နှင့် SCO အတွင်းရေးမှူးချုပ် နာလန် ယာမက်ဘာယက်ဗ် (Nurlan Yermekbayev) တို့က လက်မှတ်ရေးထိုးခဲ့ကြပြီး ပြီးခဲ့သည့် ၂၀၂၅ ခုနှစ် တီယန်ကျင်းထိပ်သီးအစည်းအဝေးတွင် လာအိုအား ဆွေးနွေးဖက်အဆင့်ပေးရန် အဖွဲ့ဝင်နိုင်ငံများက သဘောတူညီခဲ့ကြပြီးနောက် ယခုကဲ့သို့ တရားဝင် လက်မှတ်ရေးထိုးနိုင်ခဲ့ခြင်း ဖြစ်သည်။ဤပူးပေါင်းမှုမှတစ်ဆင့် လာအိုနိုင်ငံသည် SCO အဖွဲ့ဝင်နိုင်ငံများနှင့်အတူ ဒေသတွင်းလုံခြုံရေး၊ ကုန်သွယ်ရေး၊ ရင်းနှီးမြှုပ်နှံမှု၊ ပို့ဆောင်ဆက်သွယ်ရေး၊ ဒစ်ဂျစ်တယ်အသွင်ကူးပြောင်းရေးနှင့် အာဆီယံ-SCO အကြား ပူးပေါင်းဆောင်ရွက်မှု ကဏ္ဍစုံတွင် ပိုမိုနီးကပ်စွာ လုပ်ဆောင်သွားမည် ဖြစ်ကြောင်း သိရသည်။