ထိုင်းနိုင်ငံ၊ ဘန်ကောက် Wachirabenchathat ပန်းခြံ၌ ၂၀၂၆ ကမ္ဘာ့ဖလား ဗိုလ်လုပွဲကို LED မျက်နှာပြင်ကြီးဖြင့် အခမဲ့ တိုက်ရိုက်ပြသမည်

ထိုင်းနိုင်ငံရှိ ဘောလုံးဝါသနာရှင်များအတွက် ၂၀၂၆ ကမ္ဘာ့ဖလား ဗိုလ်လုပွဲစဉ်ကို ဘန်ကောက်မြို့ Chatuchak အနီးရှိ Wachirabenchathat ပန်းခြံ (State Railway Park) ၌ LED ဖန်သားပြင်ကြီးဖြင့် တိုက်ရိုက် အခမဲ့ ပြသပေးသွားမည်ဖြစ်ကြောင်း Khaosod သတင်းအရ သိရသည်။အဆိုပါပွဲကို "FIFA World Cup 2026 One Night One Champion" ဟု အမည်ပေးထားပြီး ဘန်ကောက် Metropolitan Administration ၏ နေရာထောက်ပံ့မှုဖြင့် Jasmine International Pcl နှင့် Monomax Streaming ကို စီမံခန့်ခွဲသည့် Mono Next Pcl တို့က ပူးပေါင်းကျင်းပခြင်း ဖြစ်သည်။ ဇူလိုင်လ ၁၉ ရက် တနင်္ဂနွေနေ့ ည ၁၁:၃၀ နာရီတွင် ဂိတ်စတင်ဖွင့်လှစ်မည်ဖြစ်ကာ ဗိုလ်လုပွဲစဉ်ကိုမူ ဇူလိုင်လ ၂၀ ရက် တနင်္လာနေ့ နံနက် ၀၂:၀၀ နာရီတွင် စတင်ပြသမည်ဖြစ်သည်။ ပွဲစဉ်အတွင်း ထိုင်းဘာသာစကားဖြင့် တိုက်ရိုက်သုံးသပ်ချက်များ၊ ပွဲမစမီ နည်းဗျူဟာပိုင်း ဆန်းစစ်ချက်များနှင့် ပွဲကြိုသုံးသပ်ချက် အစီအစဉ်များလည်း ပါဝင်မည်ဖြစ်သည်။လာရောက်ကြည့်ရှုမည့် ပရိသတ်များအနေဖြင့် Queen Sirikit Park အနီးရှိ Kamphaeng Phet 3 လမ်းနှင့် Children’s Discovery Museum အနီးရှိ Gate 3 တို့မှတစ်ဆင့် အခမဲ့ ဝင်ရောက်နိုင်မည်ဖြစ်သည်။ အဆိုပါနေရာသည် MRT Chatuchak သို့မဟုတ် BTS Mo Chit ဘူတာများမှတစ်ဆင့် ၁၅ မိနစ်မှ မိနစ် ၂၀ ခန့် လမ်းလျှောက်ရုံဖြင့် အလွယ်တကူ ရောက်ရှိနိုင်ကြောင်း သိရသည်။