ငလျင်ဒဏ်ခံနိုင်သည့် အဆောက်အအုံများအတွက် အရည်အသွေးမြင့် သံမဏိအသုံးပြုရန် အာဆီယံ သံနှင့်သံမဏိကောင်စီ (AISC) အကြံပြုတိုက်တွန်း

ငလျင်ဘေးအန္တရာယ် ကျရောက်နိုင်သည့် အာဆီယံဒေသတွင်း အဆောက်အအုံများ၏ ဘေးကင်းလုံခြုံမှုကို မြှင့်တင်နိုင်ရန်အတွက် အရည်အသွေးမြင့် သံမဏိများ အသုံးပြုရန် အလွန်အရေးကြီးကြောင်း အာဆီယံ သံနှင့်သံမဏိကောင်စီ (AISC) က အစီရင်ခံစာတစ်စောင် ထုတ်ပြန်၍ တိုက်တွန်းနှိုးဆော်ထားသည်။ အဆိုပါအစီရင်ခံစာတွင် အာဆီယံနိုင်ငံများရှိ ဆောက်လုပ်ရေးလုပ်ငန်းသုံး သံမဏိများ၏ အရည်အသွေးနှင့် ဘေးကင်းလုံခြုံရေးဆိုင်ရာ ကိစ္စရပ်များကို သုံးသပ်ထားပြီး၊ Induction Furnace (IF) စနစ်ဖြင့် ထုတ်လုပ်သည့် သံမဏိများ၏ အရည်အသွေးပိုင်းဆိုင်ရာ အန္တရာယ်များကို အဓိကထား ထည့်သွင်းသတိပေး ဖော်ပြထားကြောင်း သိရသည်။