ဝန်ကြီးချုပ်ဟောင်း ရှိတ်ဟာစီနာ ဘင်္ဂလားဒေ့ရှ်သို့ ပြန်လာပါက ထောင်ဒဏ်ကျခံရမည်ဟု နိုင်ငံခြားရေးဝန်ကြီး ပြောကြား

ရာထူးမှဖယ်ရှားခံရပြီးနောက် အိန္ဒိယနိုင်ငံ နယူးဒေလီတွင် သွားရောက်တိမ်းရှောင်နေသည့် ဘင်္ဂလားဒေ့ရှ် ဝန်ကြီးချုပ်ဟောင်း ရှိတ်ဟာစီနာ (Sheikh Hasina) သည် ၎င်းပြောကြားထားသည့်အတိုင်း လာမည့်ဒီဇင်ဘာလတွင် နိုင်ငံသို့ ပြန်လာခဲ့ပါက ထောင်ဒဏ်ကျခံရမည်ဖြစ်ကြောင်း ဘင်္ဂလားဒေ့ရှ် နိုင်ငံခြားရေးဝန်ကြီး (အစိုးရအကြီးတန်းအရာရှိ) က တနင်္လာနေ့တွင် သတိပေးပြောကြားလိုက်သည်။ ဟာစီနာသည် ၂၀၂၄ ခုနှစ်အတွင်း ၎င်း၏အုပ်ချုပ်မှုကို ဆန့်ကျင်သည့် လူထုအုံကြွမှုကြီးဖြစ်ပွားပြီးနောက် သေဒဏ်ချမှတ်ခံထားရပြီး ၎င်း၏ပါတီလည်း ပိတ်ပင်ခံထားရသူဖြစ်သည်။ ကုလသမဂ္ဂ၏ ထုတ်ပြန်ချက်အရ လူပေါင်း ၁,၄၀၀ ခန့် သေဆုံးခဲ့ရသည့် အဆိုပါအုံကြွမှုဖြစ်ပွားပြီးနောက် ပြီးခဲ့သည့် ၂၀၂၄ ခုနှစ်၊ ဩဂုတ်လကတည်းက အိန္ဒိယသို့ တိမ်းရှောင်ခဲ့ခြင်းဖြစ်ပြီး၊ မကြာသေးမီက ဟာစီနာက နိုင်ငံသို့ပြန်လာပြီး တရားရင်ဆိုင်မည်ဟု ရိုက်တာသတင်းဌာနသို့ ပြောကြားခဲ့ပြီးနောက် ယခုကဲ့သို့ တုံ့ပြန်မှု ထွက်ပေါ်လာခြင်းဖြစ်သည်။