တရုတ်နိုင်ငံက ဆယ်ကျော်သက်လူငယ်တွေကြားမှာ အသည်းကွဲဝေဒနာကို ကုစားဖို့အတွက် ချစ်သူဟောင်းတွေရဲ့ ပုံစံတူ AI ကိုယ်ပွား (Digital Alter Ego) တွေ ဖန်တီးလာတဲ့ အလေ့အထသစ်တစ်ခု ခေတ်စားနေပါတယ်။ "Ex.skill" လို့ ခေါ်တဲ့ အဲဒီနည်းပညာဟာ ချစ်သူဟောင်းနဲ့ ပြောခဲ့ဖူးတဲ့ Chat history တွေ၊ ဓာတ်ပုံတွေနဲ့ လူမှုကွန်ရက်ပေါ်က အချက်အလက်တွေကို အသုံးပြုပြီး ၎င်းတို့ရဲ့ စရိုက်လက္ခဏာ၊ လေယူလေသိမ်းနဲ့ အမူအရာတွေကိုပါ တူအောင် ဖန်တီးပေးနိုင်တာ ဖြစ်ပါတယ်။ ဒီနည်းပညာကို ဖန်တီးသူတွေကတော့ ဒါဟာ ကိုယ့်ကိုယ်ကိုယ် ပြန်လည်သုံးသပ်ဖို့နဲ့ စိတ်ဒဏ်ရာသက်သာဖို့အတွက် ရည်ရွယ်တာဖြစ်တယ်လို့ ဆိုပါတယ်။
