၁၆ နှစ်အောက် ဆယ်ကျော်သက်များ ဆိုရှယ်မီဒီယာသုံးစွဲမှုကို စပိန်နိုင်ငံ ပိတ်ပင်မည်

ဆယ်ကျော်သက်များအပေါ် ဆိုရှယ်မီဒီယာကြောင့် ဖြစ်ပေါ်လာနိုင်သည့် ထိခိုက်မှုများကို ကာကွယ်ရန်အတွက် စပိန်နိုင်ငံသည် အသက် ၁၆ နှစ်အောက် လူငယ်များ ဆိုရှယ်မီဒီယာ သုံးစွဲခြင်းကို ပိတ်ပင်ရန် ပြင်ဆင်နေပြီး၊ ယင်းသည် ဥရောပနိုင်ငံများထဲတွင် ပထမဆုံးသော လုပ်ဆောင်ချက် ဖြစ်လာမည်ဖြစ်သည်။ အဆိုပါ ပိတ်ပင်မှုကို ထိရောက်စွာ အကောင်အထည်ဖော်နိုင်ရန် သက်ဆိုင်ရာ နည်းပညာကုမ္ပဏီများနှင့် ချိတ်ဆက်ကာ အသက်ကန့်သတ်ချက်ဖြင့် စနစ်တကျ တားမြစ်သွားမည်ဖြစ်ကြောင်း သိရှိရပါသည်။