အိုဘားမားဇနီးမောင်နှံအား မျောက်ဝံများအဖြစ် သရုပ်ဖော်ထားသည့် AI ဗီဒီယို ထရမ့်၏ လူမှုကွန်ရက်မှ ပြန်လည်ဖြုတ်ချ

အိုဘားမားဇနီးမောင်နှံနှင့် ဒီမိုကရက်တစ်ခေါင်းဆောင်များကို တိရစ္ဆာန်များအဖြစ် သရုပ်ဖော်ထားသည့် လူမျိုးရေးခွဲခြားမှုဆိုင်ရာ အငြင်းပွားဖွယ်ရာ AI ဗီဒီယိုအား သမ္မတ ထရမ့်၏ Truth Social အကောင့်မှ ၁၂ နာရီအကြာတွင် ပြန်လည်ဖြုတ်ချလိုက်ပြီဖြစ်ပြီး၊ အိမ်ဖြူတော်ကမူ ယင်းဖြစ်စဉ်မှာ ဝန်ထမ်းတစ်ဦး၏ မှားယွင်းတင်မိမှုသာဖြစ်ကြောင်း ဖြေရှင်းခဲ့သည်။ အဆိုပါဗီဒီယိုတွင် ထရမ့်ကို ခြင်္သေ့အဖြစ်လည်းကောင်း၊ အိုဘားမားဇနီးမောင်နှံကို မျောက်ဝံများအဖြစ်လည်းကောင်း၊ ဂျိုးဘိုင်ဒင်နှင့် ကာမလာဟဲရစ် အပါအဝင် အခြားခေါင်းဆောင်များကို တိရစ္ဆာန်အမျိုးမျိုးအဖြစ် သရုပ်ဖော်ထားပြီး ပြင်းထန်သော ဝေဖန်မှုများ ထွက်ပေါ်လာခဲ့သော်လည်း အိမ်ဖြူတော်ပြောရေးဆိုခွင့်ရှိသူ ကာရိုလိုင်းလဲဗစ်ကမူ ၎င်းမှာ သမ္မတထရမ့်ကို တောဘုရင်အဖြစ် ပုံဖော်ထားသည့် အင်တာနက်ဟာသ (Meme) တစ်ခုသာဖြစ်ကြောင်း ကာကွယ်ပြောဆိုခဲ့ပါသည်။