ဂြိုဟ်မွှားအချို့ ကမ္ဘာ့လေထုထဲဝင်ရောက်လာသည့်အခါဘေးအန္တရာယ်ဖြစ်စေနိုင်ကြောင်း သိပ္ပံပညာရှင်များဖော်ထုတ်

သံဓာတ်ပေါများတဲ့ ဂြိုဟ်မွှားတွေနဲ့ ဥက္ကာခဲတွေဟာ အခြားအာကာသကျောက်တုံးတွေနဲ့ ယှဉ်ရင် ကမ္ဘာမြေကို အန္တရာယ်ဖြစ်နိုင်ခြေ ပိုများတယ်လို့ နိုင်ငံတကာသိပ္ပံပညာရှင်များအဖွဲ့က လေ့လာတွေ့ရှိထားပါတယ်။ ကမ္ဘာနဲ့နီးတဲ့ ဂြိုဟ်သိမ်ပေါင်း လက်ရှိမှာ ၃၇,၀၀၀ ခန့်ရှိနေပြီး နာဆာနဲ့ အခြားအာကာသအေဂျင်စီများက ဒါတွေကို စောင့်ကြည့်နေကြပါတယ်။ ဘေးအန္တရာယ်ပေးနိုင်တဲ့ အရာဝတ္ထုတွေ ရန်ကနေ ကမ္ဘာကြီးဟာ နောက်ထပ် နှစ် ၁၀၀ လောက်အထိ လုံးဝဘေးကင်းစိတ်ချရပါသေးတယ်။ သိပ္ပံပညာရှင်များအဖွဲ့ကတော့ ကမ္ဘာဂြိုဟ်ကို ခြိမ်းခြောက်လာနိုင်တဲ့ ဂြိုဟ်မွှားအမျိုးအစားတွေကို လေ့လာခဲ့ကြပါတယ်။