ဂျပန်၌ အလုပ်ထွက်မည့် သူများအတွက် အဖျော်ယမကာ အခမဲ့ တိုက်ကာ ဆွေးနွေးပေးသည့် ဘား ဖွင့်လှစ်

ဂျပန်နိုင်ငံတွင် ရထားဘူတာရုံကြီးများအနီး လှည့်လည်ကြည့်ရှုပါက ဘားအမျိုးမျိုးကို အလွယ်တကူ တွေ့မြင်နိုင်မည်ဖြစ်သည်။ သောက်စားရင်း မြည်းနိုင်သည့် အမြည်း မျိုးစုံရရှိနိုင်သော အီဇာကာယာ (Izakaya) ဆိုင်များ၊ ဝိုင်ဘား၊ ဝီစကီဘားနှင့် ဆာကေးဘားများအပြင် လမ်းကြားငယ်များအတွင်း၌ Hostess ဘားများ (အမျိုးသမီး ဝန်ထမ်းများက ဖောက်သည်များကို ဖျော်ဖြေဝန်ဆောင်မှု ပေးသော ဘားများ) ကိုလည်း တွေ့ရှိနိုင်သည်။ သို့သော် ယိုကိုဟားမား ဘူတာရုံတဝိုက် လမ်းလျှောက်ရင်း အမောပြေနားနေရန် နေရာရှာပါက အလုပ်ထွက်ရန် စဉ်းစားနေသူများအတွက်သာ သီးသန့်ဖွင့်လှစ်ထားသည့် ထူးထူးခြားခြား ဘားတခုကို တွေ့ရှိရမည် ဖြစ်သည်။