လွိုင်ကော် ထေးသမရပ်ကွက် အတွင်း မီးလောင်မှု တက္ကသိုလ်နှင့် ကောလိပ်တွေအထိ မီးလန့်မှုရောက်ရှိခဲ့

ကရင်နီပြည်နယ်၊ လွိုင်ကော်မြို့နယ် ထေးသမ ရပ်ကွက်အတွင်း ယမန်နေ့ တွင် မီးလောင်မှုဖြစ်ပွားခဲ့ကြောင်း ဒေသခံများကပြောသည်။ယမန်နေ့ နေ့လယ် ၁၁ နာရီ ဝန်းကျင်တွင် လွိုင်ကော်မြို့ ထေးသမ ရပ်ကွက်အတွင်း တောမီးမှ အစပြု၍ မီးလောင်မှု ဖြစ်ပွားခဲ့ပြီး အနီးရှိ ကွန်ပျူတာ တက္ကသိုလ်နှင့် ပညာရေးဒီကရီကောလိပ်တို့ မီးလန့်မှုများ ဖြစ်ပွားခဲ့ကြောင်းဆိုသည်။" ချိကယ်ဘက်ကနေ မီးက စလောင်တာ ၊ တောမီးကနေစလောင်တာ။ အကြာကြီးပဲ ၃ နာရီလောက်ကြာမယ် ။ အနီးနားက တက္ကသိုလ်ကျောင်းတွေ နားအထိ မီးက ရောက်လာတယ် ။ အဆောက်အဦးတွေဘာတွေလောင်တာတော့ မရှိပါဘူး" ဟု ဒေသခံတစ်ဦးကပြောသည်။