ရှမ်းပြည်နယ်တောင်ပိုင်း၊ ဖယ်ခုံမြို့နယ်၊ ကယန်းဒေသအမှတ် ၂မြို့နယ်၊ ဆီးဘူးရှိ ဆိုင်တစ်ဆိုင်မှာ လာရောက်ငွေလွှဲသူထံမှ ငွေတုတချို့ရောပါလာသည်ကိုတွေ့ရှိခဲ့ရကြောင်းသိရပါတယ်။ငွေလွှဲဖို့အတွက် ငွေပေးချေရာမှ တစ်သောင်းတန်အုပ်ထဲ မြန်မာငွေတစ်သောင်းကျပ်တန် ငွေစက္ကူအတု ၈ ရွက်ရောပါလာခဲ့တာဖြစ်ပါတယ်။ငွေစက္ကူအတုမှာ သာမာန်ကြည့်လိုက်ပါက ငွေစက္ကူအစစ်နဲ့ တပုံစံတည်းတူညီသော်လည်း ငွေစက္ကူအစစ်ထက် အနည်းငယ်ပါးလွှာကာ ကိုင်ကြည့်ရင် A4 စက္ကူစာရွက်ကဲ့သိုဖြစ်နေခြင်း၊ ငွေကြိုးမှာ ဆေးရိုက်ထားသကဲ့သို့ဖြစ်ကာ ပြတ်တောက်နေခြင်း၊ ဆေးသားပွန်းရာများပါဝင်နေခြင်း၊ ငွေစက္ကူဘေးထောင့်ရှိ ဗဟိုဘဏ်ရဲ့အမှတ်အသား CBM တံဆိပ်မပါဝင်ခြင်း၊
စတဲ့အချက်တွေကြောင့် ငွေစက္ကူအတုဖြစ်ကြောင်း သိရှိခဲ့ရတာဖြစ်ပါတယ်။ ငွေစက္ကူအတုတွေကို လက်ခံရရှိသူဆိုင်ရှင်မှ အဆိုပါငွေစက္ကူအတုတွေကိုသက်ဆိုင်ရာ အုပ်ချုပ်ရေးအဖွဲ့တွေဆီကို သိမ်းဆည်းစစ်ဆေးနိုင်ဖို့ လွှဲပြောင်းပေးထားကြောင်း သိရပါတယ်။
