တညင်းကုန်းလက်ကားဈေးရှိ ဆိုင်ခန်းရောင်းချခြင်းနှင့် လုပ်ငန်း ၅၇ ခုအတွက် တစ်နှစ်တာလုပ်ကိုင်ခွင့် တင်ဒါခေါ်ယူ

ရန်ကုန်တိုင်းဒေသကြီးအစိုးရအဖွဲ့သည် အင်းစိန်မြို့နယ်ရှိ တညင်းကုန်းအဆင့်မြင့်လက်ကားဈေးကြီး ရှိ ၂ ခန်းတွဲ ၃ ထပ်တိုက် Shop House အဆောက်အဦ ၄ လုံး ရောင်းချရန်နှင့် ဈေးအတွင်းရှိ ယာဉ်ဝင်ခ၊ သန့်စင်ခန်းဝင်ခ အပါအဝင် လုပ်ငန်း ၅၇ ခုတို့အတွက် ၂၀၂၆-၂၀၂၇ ဘဏ္ဍာရေးနှစ် တစ်နှစ်တာ လုပ်ကိုင်ခွင့် တင်ဒါများကို ခေါ်ယူနေသည်။ စိတ်ပါဝင်စားသူများအနေဖြင့် တင်ဒါလျှောက်လွှာများကို ဖေဖော်ဝါရီ ၆ ရက်အထိ ရုံးချိန်အတွင်း ဝယ်ယူနိုင်ပြီး၊ ဖေဖော်ဝါရီ ၉ ရက် နေ့လယ် ၂ နာရီ နောက်ဆုံးထား၍ ပြန်လည်တင်သွင်းရမည်ဖြစ်သည်။ လျှောက်လွှာများကို ရန်ကုန်မြို့တော်ခန်းမရှိ ဈေးများနှင့် ကုန်စည်ပွဲရုံများဌာနနှင့် ဗိုလ်တစ်ထောင်မြို့နယ်ရှိ ၁၂ ထပ်ခွဲရုံးတို့တွင် အသီးသီး ဝယ်ယူနိုင်ကြောင်း သိရှိရပါသည်။