ကယားပြည်နယ်၊ဒီမေ့ာဆိုတွင် Never give up အကပြိုင်ပွဲမှ ဆုရရှိသော အဖွဲ့များကို ဆုချီးမြင့်ပေးအပ်

ကယား(ကရင်နီပြည်နယ်)၊ဒီ‌မော့ဆိုမြို့နယ် အနောက်ဘက်ခြမ်းတစ် နေရာမှာ "Never give up "အကပြိုင်ပွဲမှ ဆုရရှိတဲ့ အဖွဲ့တွေကို ဆုချီးမြင့်ပေးအပ်ခြင်း အခမ်းအနားအစီအစဉ်တစ်ရပ်ကို ဖေဖော်ဝါရီလ ၁ရက် နေ့မှာ ခြေလက်အင်္ဂါဆုံးရှုံးသွားတဲ့ ရဲဘော်တွေနဲ့အလှူရှင်တွေမှစုပေါင်းပြီး ကျင်းပပြုလုပ်ခဲ့ကြပါတယ်လို့သိရပါတယ်။ဒီအကပြိုင်ပွဲကိုပြုလုပ်ရတဲ့ရည်ရွယ်ချက်က "Never give up ဆိုတဲ့ ခေါင်းစဉ်အတိုင်းပဲ။ကိုယ်လက်အင်္ဂါဆုံးရှူံးသွားတဲ့ သူတွေနဲ့ ပဋိပက္ခတွေကြောင့် နေရပ်စွန့်ခွာရတဲ့ ကလေးတွေကိုအားပေးအားမြောက်စေချင်တယ်။ ဘာလို့ဆို ကျွန်တာ်တို့ပြည်နယ်ထဲမှာ အရည်အချင်းရှိတဲ့ကလေးတွေ အများကြီးရှိတယ် ။ ပြီးတော့ သူတို့ရဲ့ Talents တွေကို ထုတ်ဖော်ခိုင်းစေချင်တယ်။ ဒီကာလမှာ စိတ်ဝေဒနာခံစားရတဲ့သူတွေလည်းရှိတော့ သူတို့တွေကို ပိုပြီး ပျော်ရွင်ခိုင်းစေချင်တယ်"လို့ အကပြိုင်ပွဲ စီစဉ်သူတစ်ဦးမှ ပြောပါတယ်။အကပြိုင်ပွဲကို ပြီးခဲ့တဲ့ ဇန်နဝါရီ ၅ရက်နေ့မှစပြီး ၃၁ရက်နေ့အထိ Online ကနေတစ်ဆင့်ကျင်းပပြုလုပ်ခဲ့ပြီး အဖွဲ့(၂၈)ဖွဲ့ခန့်က ဝင်ရောက်ယှဉ်ပြိုင်ခဲ့ကြကာ ပထမဆုကို အထက လွယ်ယင်း၊ ဒုတိယဆုကို မောလီးရိုး ကျောင်း၊ တတိယဆုကို မြလေကုန်းနဲ့ စတုတ္ထဆုကို G.Z Motion မှအသီးသီးရရှိခဲ့ကြပါတယ်လို့ သိရပါတယ်။