တိမ်ကောပျောက်ကွယ်လုနီးပါးအခြေအနေမှ လုပ်ငန်းများပြန်လည်လည်ပတ်လာခြင်းဖြစ်ကြောင်း သိရပါသည်။ကုန်ကြမ်းရှားပါးခြင်း၊ ပြည်ပခရီးသွားဝင်ရောက်မှုကျဆင်းသွားခြင်း၊ ကျွမ်းကျင်လုပ်သားနှင့် ပညာရှင်ရှားပါးလာ ခြင်းတို့ကြောင့် တိမ်ကောပျောက်ကွယ်လုနီးပါးဖြစ်ခဲ့သည့် မြန်မာ့ရွှေချည်ထိုးလုပ်ငန်းတွေဟာ ၂၀၂၄ ခုနှစ် နှစ် ဆန်းပိုင်းကစ၍ အလှူအတန်းများအပြိုင်အဆိုင်ပြုလုပ်လာမှုကြောင့် ပြန်လည်အသက်ဝင်လာခြင်းဖြစ်တယ်လို့ ဆိုပါတယ်။ဆင်၊ မြင်း၊ လှည်းယာဉ်၊ ဝင်းခင်းသဘင်အခမ်းအနားဖြင့်ပြုလုပ်သည့် ရဟန်းခံရှင်ပြုအလှူပွဲများ၊ လူကုံထံ များ အပြိုင်အဆိုင်ပြုလုပ်ကြသည့် မင်္ဂလာဧည့်ခံပွဲများ၊ သက်ဝင်ယုံကြည်မှုမှတစ်ဆင့်ဖြစ်ပေါ်လာသည့်နတ်ပူဇော်ပသ ပွဲများတွင် မြန်မာ့ရွှေချည်ထိုးအထည်များကို ခေတ်နှင့်အညီအပြိုင်အဆိုင်အသုံးပြုလာကြရာမှ လုပ်ငန်း များပြန် လည်လည်ပတ်လာနိုင်ခြင်းဖြစ်ကြောင်း သိရပါတယ်။
