ပဲခူးမြို့၊ ဥဿာမြို့သစ်(၆)ရပ်ကွက်၊ ပြင်စည်မီးပွိုင့်မှာ ဒီကနေ့ ဇန်နဝါရီ ၃၁ ရက်နေ့ မနက်၉နာရီကျော်က ရပ်ထားတဲ့ဆိုင်ကယ်တွေကို မြေသယ် ဖောကားက ဝင်တိုက်မိရာကနေ နှစ်ယောက်သေဆုံးကာ သားအဖနှစ်ယောက်လည်းထိခိုက် ဒဏ်ရာရခဲ့တယ်လို့ သိရပါတယ် ။ ယာဥ်တိုက်မှုအတွင်း သေဆုံးသူတွေက ဥဿာမြို့သစ်(၅)ရပ်ကွက်၊ ကံ့ကော်လမ်းမှာ နေထိုင်တဲ့
ဦးကျော်စွာဦး နဲ့ ချင်စု(၂)လမ်း၊ ဥဿာမြို့သစ်(၈)ရပ်ကွက်မှာ နေထိုင်တဲ့ ဦးသီဟစိုး ဆိုသူတို့ဖြစ်တယ်လို့ သိရပါတယ် ။ ထိခိုက်ဒဏ်ရာရတဲ့ သားအဖကတော့ လ.ဝ.က ဝန်ထမ်း ဦးကျော်ဝင်းဆွေ နဲ့ သမီးဖြစ်သူ Grade 8 ကျောင်းသူ မယွန်းယမုံဖူး တို့ဖြစ်ပြီး ပဲခူးဆေးရုံကြီးမှာ ကုသမှုခံယူနေရတယ်လို့ သိရပါတယ် ။ လက်ရှိမှာ ယာဥ်တိုက်မှု ဖြစ်ပွားစေခဲ့တဲ့ ယာဥ်မောင်းကိုလည်း ဖမ်းဆီးရမိထားတယ်လို့ သိရပါတယ်။
