မွန်ပြည်နယ်၊ သထုံမြို့ရှိ ဆံတော်ရှင် မြသပိတ်စေတီတော်မြတ်ကြီး၏ (၆၈)ကြိမ်မြောက် ဗုဒ္ဓပူဇနိယပွဲတော်အား ကြာသင်္ကန်းကပ်လှူ ပူဇော်ပွဲ အပါအဝင် ထမနဲထိုးပြိုင်ပွဲ နိဗ္ဗာန်ဈေး စတုဒီသာကျွေးမွေးလှူဒါန်းမှုများဖြင့် စည်ကားသိုက်မြိုက်စွာ ကျင်းပပြုလုပ်ခဲ့ကြောင်း သိရသည်။ယနေ့ မွန်းလွဲ (၁) နာရီအချိန်တွင် မြသပိတ်တောင်ခြေရှိ နှီးဘုရားကြီးအနီး မြေကွက်လပ်တွင် ထမနဲထိုးပြိုင်ပွဲကျင်းပပြုလုပ်ခဲ့ကြောင်းနှင့် ထမနဲထိုးပြိုင်ပွဲ၌အသင်း (၁၀) သင်းဝင်ရောက်ယှဉ်ပြိုင်ခဲ့ကြကြောင်းနှင့် ထမနဲထိုးပြိုင်ပွဲ ဆုပေးပွဲမတိုင်ခင် အလှူရှင်များမှ နိဗ္ဗာန်ဈေး စတုဒီသာအလှူကျွေးမွေးလှူဒါန်းခဲ့ကြ ကြောင်း သိရသည်။
