လူမျိုးသုဉ်းစေမှုဆိုင်ရာ သဘောတူစာချုပ်ကို ဖောက်ဖျက်သည်ဟုဆိုကာ ဂမ်ဘီယာနိုင်ငံက အပြည်ပြည်ဆိုင်ရာတရားရုံး (ICJ) တွင် တရားစွဲဆိုထားမှုနှင့် ပတ်သက်၍ မြန်မာကိုယ်စားလှယ်အဖွဲ့ခေါင်းဆောင် ပြည်ထောင်စုဝန်ကြီး ဦးကိုကိုလှိုင်က ဂမ်ဘီယာ၏ စွပ်စွဲချက်များမှာ ဥပဒေကြောင်းနှင့် အချက်အလက်ပိုင်းအရ ခိုင်မာမှုမရှိသဖြင့် ပယ်ချပေးရန် လျှောက်လဲတောင်းဆိုခဲ့သည်။ ၎င်းက ဂမ်ဘီယာ၏ စွပ်စွဲချက်များအပြင် ၂၀၂၀ ပြည့်နှစ်က ချမှတ်ခဲ့သော ကြားဖြတ်စီမံဆောင်ရွက်ချက်များကို ဖောက်ဖျက်သည်ဆိုသည့် အဆိုပြုချက်များနှင့် နစ်နာကြေးတောင်းခံမှုများမှာလည်း ခိုင်လုံမှုမရှိကြောင်း တရားရုံးတွင် ထုချေတင်ပြခဲ့ခြင်းဖြစ်သည်။ မြန်မာကိုယ်စားလှယ်အဖွဲ့အနေဖြင့် ဂမ်ဘီယာနိုင်ငံ၏ တောင်းဆိုချက်အားလုံးကို ပယ်ချပေးရန် တရားရုံးသို့ တရားဝင် လျှောက်လဲခဲ့ကြောင်း သိရှိရပါသည်။
