ပြင်းထန်တဲ့ ဆောင်းရာသီလေဖိအားပုံစံနဲ့ လေအေးထုကြီးတစ်ခုတို့ကြောင့် ဂျပန်နိုင်ငံမြောက်ပိုင်းကနေ အနောက်ပိုင်းအထိ အဓိကအားဖြင့် ဂျပန်ပင်လယ်ကမ်းရိုးတန်းတစ်လျှောက်မှာ နှင်းကျနေပါတယ်။ ဇန်နဝါရီလ ၃၀ ရက် သောကြာနေ့ မနက် ၁၁ နာရီအထိ ၆ နာရီအတွင်း Tohoku ဒေသမြောက်ပိုင်းနဲ့ Kinki ဒေသတို့မှာ နှင်း ၁၀ စင်တီမီတာလောက် ကျဆင်းခဲ့တယ်လို့ ဂျပန်မိုးလေဝသအေဂျင်စီက ပြောပါတယ်။ နှင်းကျမှုနဲ့ လမ်း အေးခဲမှုတို့ကြောင့် ယာဉ်သွားလာရာမှာ အနှောင့်အယှက် ဖြစ်မှု၊ နှင်းပြိုမှု၊ ဓာတ်ကြိုးတွေနဲ့ သစ်ပင်တွေပေါ် နှင်းစုပုံမှုကြောင့် လျှပ်စစ်ဓာတ်အားပြတ်တောက်မှုနဲ့ အိမ်ခေါင်မိုးပေါ်ကနေ နှင်းပြိုကျမှုတွေကို သတိထားကြဖို့ မိုးလေဝသအရာရှိတွေက တိုက်တွန်းနေပါသည်။
