Toyota ဟာ ၆ နှစ်ဆက်တိုက် ကမ္ဘာ့ ကားရောင်းအား အကောင်းဆုံး ဖြစ်နေ

Toyota Motor Corp. အုပ်စုသည် မြောက်အမေရိကဈေးကွက်တွင် ဟိုင်းဘရစ် (Hybrid) ကားများ လူကြိုက်များလာမှုနှင့်အတူ ၂၀၂၅ ခုနှစ်အတွင်း တစ်ကမ္ဘာလုံး၌ မော်တော်ယာဉ်စီးရေ ၁၁.၃ သန်းကျော် (၁၁,၃၂၂,၅၇၅ စီး) အထိ စံချိန်တင် ရောင်းချနိုင်ခဲ့ပြီးနောက် ကမ္ဘာ့ရောင်းအားအကောင်းဆုံးနေရာကို ၆ နှစ်ဆက်တိုက် ဆက်လက်ထိန်းသိမ်းနိုင်ခဲ့ကြောင်း ဇန်နဝါရီ ၂၉ ရက်တွင် ထုတ်ပြန်ခဲ့သည်။ အဆိုပါရောင်းအားသည် ပြီးခဲ့သည့်နှစ်ထက် ၄.၆ ရာခိုင်နှုန်း မြင့်တက်လာခြင်းဖြစ်ပြီး ဂျာမန်ကားကုမ္ပဏီ Volkswagen ၏ ရောင်းအားကို ကျော်လွန်ကာ Toyota ၏ ဇိမ်ခံကားအမှတ်တံဆိပ်ဖြစ်သော Lexus မှာလည်း စီးရေ ၈ သိန်းကျော်အထိ စံချိန်တင်ရောင်းချခဲ့ရသည်။ ထို့ပြင် တစ်ကမ္ဘာလုံးဆိုင်ရာ ယာဉ်ထုတ်လုပ်မှုမှာလည်း ၅.၇ ရာခိုင်နှုန်း တိုးတက်လာခဲ့ရာ ဂျပန်နှင့် မြောက်အမေရိကဈေးကွက်များတွင် ရောင်းအားသိသိသာသာ မြင့်တက်လာခြင်းက ကုမ္ပဏီအတွက် အဓိကအထောက်အပံ့ဖြစ်စေခဲ့ကြောင်း သိရှိရပါသည်။