မြန်မာနိုင်ငံမှ အွန်လိုင်းလိမ်လည်မှုတွင် ပါဝင်သည့် နိုင်ငံခြားသား ၁၂၇ ဦးကို မြဝတီ-ထိုင်းနယ်စပ်မှတစ်ဆင့် ပြည်နှင်လွှဲပြောင်း

မြန်မာနိုင်ငံအတွင်း တရားမဝင်ဝင်ရောက်ပြီး မြဝတီနှင့် ရွှေကုက္ကိုလ်ဒေသတို့တွင် အွန်လိုင်းလိမ်လည်မှု (Telecom Fraud) နှင့် ဒုစရိုက်လုပ်ငန်းများ၌ ပါဝင်ပတ်သက်ခဲ့သည့် အင်ဒိုနီးရှားနိုင်ငံသား ၉၁ ဦး နှင့် ကင်ညာနိုင်ငံသား ၃၆ ဦး (စုစုပေါင်း ၁၂၇ ဦး) ကို ဇန်နဝါရီ ၂၉ ရက်တွင် မြန်မာ-ထိုင်း အမှတ် (၂) ချစ်ကြည်ရေးတံတားမှတစ်ဆင့် သက်ဆိုင်ရာနိုင်ငံများသို့ ပြည်နှင်လွှဲပြောင်းပေးခဲ့သည်။အဆိုပါလွှဲပြောင်းပေးအပ်ပွဲသို့ မြန်မာနိုင်ငံဘက်မှ တာဝန်ရှိသူများနှင့်အတူ ထိုင်းနိုင်ငံဆိုင်ရာ ကင်ညာနှင့် အင်ဒိုနီးရှားသံရုံးတို့မှ တာဝန်ရှိသူများ၊ ထိုင်းနိုင်ငံ လူဝင်မှုကြီးကြပ်ရေးဌာနမှ တာဝန်ရှိသူများ တက်ရောက်ခဲ့ကြသည်။ နိုင်ငံတော်အနေဖြင့် Online Scam လုပ်ငန်းများကို နှိမ်နင်းရန် ဒေသတွင်းနိုင်ငံများ၊ နိုင်ငံတကာအဖွဲ့အစည်းများနှင့် ပူးပေါင်းဆောင်ရွက်လျက်ရှိပြီး လူကုန်ကူးခံရသူများကိုလည်း သက်ဆိုင်ရာနိုင်ငံများသို့ အမြန်ဆုံးပြန်လည်လွှဲပြောင်းနိုင်ရေး ဆောင်ရွက်ပေးလျက်ရှိကြောင်း သိရှိရပါသည်။