တနင်္သာရီတိုင်းဒေသကြီး မြိတ်မြို့နယ် စန္ဒဝတ်ကျေးရွာအုပ်စု၌ မြိတ်ကော်ပိုရေးရှင်းအများနှင့် သက်ဆိုင်သောကုမ္ပဏီလီမိတက်မှ “အပြည်ပြည်ဆိုင်ရာ ငါးလေလံဈေးနှင့် ငါးလုပ်ငန်းနှင့် ဆက်စပ်အဆောက်အအုံများ တည်ဆောက်၍ ထုတ်လုပ်ရေးလုပ်ငန်းများ ဆောင်ရွက်ခြင်း စီမံကိန်း” ကို မကြာမီ အကောင်အထည်ဖော် ဆောင်ရွက်သွားမည်ဖြစ်သည်။အဆိုပါ စီမံကိန်းကို မြိတ်ကော်ပိုရေးရှင်းအများနှင့်သက်ဆိုင်သောကုမ္ပဏီလီမိတက်အနေဖြင့် စီမံကိန်းအပိုင်း(၄)ပိုင်းခွဲခြားပြီး အကောင် အထည်ဖော် ဆောင်ရွက်သွားမည်ဖြစ်ကာ စီမံကိန်းဧရိယာအတွင်း ဆိပ်ခံတံတားနှင့် သယ်ယူပို့ဆောင်ရေးနယ်မြေ၊ စက်မှုလုပ်ငန်းနယ်မြေ၊ ကုန်သွယ်မှုနယ်မြေ၊ အထောက်အကူပြု အသုံးချနယ်မြေ၊ စက်မှုဇုန်ဝန်ဆောင်မှုနယ်မြေနှင့် စိမ်းလန်းနယ်မြေစသည့် နယ်မြေ (၆)ခုသတ်မှတ်ထားရှိပြီး စီမံကိန်းကို မကြာမီ အကောင်အထည်ဖော်ဆောင်ရွက်သွားမည်ဖြစ်ကြောင်း သိရသည်။
