အသင်းခေါင်းဆောင် နောက်ခံလူ ငြိမ်းချမ်း လက်အရိုးကျိုးပြီး ခွဲစိတ်ကုသရမယ်လို့ ရာမည သတင်းထုတ်ပြန်

မဟာယူနိုက်တက်နဲ့ ကစားခဲ့တဲ့ မြန်မာနေရှင်နယ်လိဂ်ပွဲစဉ်မှာ အသင်းခေါင်းဆောင် နောက်ခံလူ ငြိမ်းချမ်း လက်အရိုးကျိုးခဲ့ပြီး ခွဲစိတ်ကုသမှု ခံယူရမယ်လို့ ရာမညယူနိုက်တက်အသင်းက သတင်းထုတ်ပြန်ပါတယ်။ ငြိမ်းချမ်းရဲ့ ဒဏ်ရာကို ရွှေလမင်းဆေးရုံပို့ဆောင်ပြီး စစ်ဆေးချက်ခံယူပြီးနောက်မှာ ခွဲစိတ်ကုသရမယ်လို့ အဖြေထွက်ခဲ့တာဖြစ်ကာ အသင်းက တာဝန်ယူဆောင်ရွက်ပေးနေတယ်လို့ ထုတ်ပြန်ချက်မှာ ပါဝင်ပါတယ်။

ငြိမ်းချမ်းဟာ မြန်မာနေရှင်နယ်လိဂ် ဒု-အကျော့ အပြောင်းအရွှေ့စျေးကွက်မှာမဟာယူနိုက်တက်အသင်းကနေ ရာမညယူနိုက်တက်ကို ပြောင်းရွှေ့လာသူ ဖြစ်ပါတယ်။