အနိုင်ရပါက မြန်မာအလုပ်သမားရေးအဖွဲ့များကို နှိမ်နင်းမည်ဟု ထိုင်းဖတ်ဒီးပါတီက မဲဆွယ်

ထိုင်းနိုင်ငံရေးပါတီတစ်ခုဖြစ်သော Thai Pakdee Party (ထိုင်းဖတ်ဒီးပါတီ)က ရွေးကောက်ပွဲတွင် အနိုင်ရရှိပါက မြန်မာအလုပ်သမားအရေး ကူညီဆောင်ရွက်ပေးနေသော NGO အဖွဲ့များကို နှိမ်နင်းသွားမည်ဟု ပြောဆိုထားသော ရုပ်သံဖိုင်ဖြင့် မဲဆွယ်စည်းရုံးနေသည်။ ဇန်နဝါရီလ ၂၇ ရက်နေ့ ညပိုင်းနှင့် ယနေ့နံနက်ပိုင်းတွင် Thai Pakdee Party ၏ Facebook စာမျက်နှာ၌ ထုတ်လွှင့်ခဲ့သော ရုပ်သံမှတ်တမ်းအရ ထိုင်းနိုင်ငံရှိ မြန်မာအလုပ်သမားအရေး ကူညီပေးနေသော NGO အဖွဲ့များကို နှိမ်နင်းပေးမည်ဖြစ်ပြီး NGO ဥပဒေနှင့် ပတ်သက်၍ ပိုမိုတင်းကျပ်ပေးမည်ဖြစ်ကြောင်း ပြောဆိုခဲ့ခြင်းဖြစ်သည်။