မကွေးတိုင်းဒေသကြီး၊ မကွေးမြို့နယ်မှာ ပဲစင်းငုံစိုက်တောင်သူတွေအနေနဲ့ မိုးများတဲ့ ရာသီဥတုကို ကြုံခဲ့ရတာ ကြောင့် ပဲစင်းငုံ အထွက်နှုန်း ထက်ဝက်ခန့်လောက် လျော့ကျခဲ့တယ်လို့ ဒေသခံတောင်သူတွေဆီကသိရပါတယ်။ပဲစင်းငုံကို မေလဝန်းကျင် မိုးဦးကာလ နှမ်းတွေ စိုက်ပျိုးစဉ်ကတည်းက သီးညှပ်အဖြစ် စတင်စိုက်ပျိုးကြတာဖြစ် ပြီးပဲစင်းငုံကို သက်ငယ်မျိုး၊ သက်လတ်မျိုး၊ သက်ကြီးမျိုး ဆိုပြီး သုံးမျိုး စိုက်ပျိုးကြတာပါ။ပဲစင်းငုံတွေ စတင်ပေါ်ချိန်က တစ်တင်းကိုကျပ်(၈၀၀၀၀)ဝန်းကျင်လောက်သာဈေးရှိခဲ့ပြီး လက်ရှိအချိန်မှာ တော့ တစ်တင်းကို ကျပ်(၁၀၀၀၀၀) ကျော်အထိ ဈေးမြင့်တက်လာပါတယ်။ ပဲစင်းငုံကို အိန္ဒိယနိုင်ငံကို အဓိကတင်ပို့နေ တာဖြစ်တယ်လို့လည်း သိရပါတယ်
