ကြီးကျယ်ခမ်းနားသည့် အရာများလုပ်ပြမည်ဟု ပီရက်ဇ်ပြော

ယခုနှစ် ဖော်မြူလာဝမ်း (F1) ရာသီတွင် ပထမဆုံးအကြိမ် စတင်ဝင်ရောက်ယှဉ်ပြိုင်မည့် ကာဒီလက်စ် (Cadillac) အသင်းနှင့်အတူ ကြီးကျယ်ခမ်းနားသည့် အောင်မြင်မှုများရယူကာ သမိုင်းသစ်တစ်ခု ရေးထိုးလိုကြောင်း ဒရိုင်ဗာ ဆာဂျီယိုပီရက်ဇ် (Sergio Perez) က ပြောကြားလိုက်သည်။ အသက် ၃၅ နှစ်အရွယ် မက္ကဆီကိုဒရိုင်ဗာ ပီရက်ဇ်သည် ဝါရင့်ဒရိုင်ဗာ ဘော့တက်စ်နှင့်အတူ ကာဒီလက်စ်အသင်းအတွက် ပူးပေါင်းမောင်းနှင်မည်ဖြစ်ပြီး၊ ဖော်မြူလာဝမ်း၏ စည်းကမ်းသစ်များအောက်တွင် ၎င်းတို့အသင်းအနေဖြင့် လျင်မြန်စွာ တိုးတက်လာမည်ဟု ယုံကြည်နေသည်။ ကာဒီလက်စ်အသင်းသည် ဇန်နဝါရီ ၁၆ ရက်က ၎င်းတို့၏ ပထမဆုံးပြိုင်ကားကို အောင်မြင်စွာ စမ်းသပ်မောင်းနှင်နိုင်ခဲ့ပြီး၊ အသင်းသစ်နှင့်အတူ အကောင်းဆုံးရာသီတစ်ခု ဖြစ်လာစေရန် နှစ်ဖက်ဒရိုင်ဗာစလုံးက မျှော်လင့်ချက်အပြည့်ဖြင့် ပြင်ဆင်လျက်ရှိကြောင်း သိရှိရပါသည်။