မြန်မာနိုင်ငံရင်းနှီးမြှုပ်နှံမှုကော်မရှင် (MIC) ၏ ၂၀၂၆ ခုနှစ် ပထမအကြိမ်အစည်းအဝေးမှ နိုင်ငံအတွက် အဓိကလိုအပ်သော ရင်းနှီးမြှုပ်နှံမှုလုပ်ငန်းသစ် ၂၀ ခုကို ခွင့်ပြုပေးခဲ့သည်။ အဆိုပါလုပ်ငန်းများတွင် နိုင်ငံခြားရင်းနှီးမြှုပ်နှံမှု ၄ ခုနှင့် မြန်မာနိုင်ငံသားရင်းနှီးမြှုပ်နှံမှု ၁၆ ခု ပါဝင်ပြီး လျှပ်စစ်မော်တော်ယာဉ်ထုတ်လုပ်ခြင်း၊ စွမ်းအင်၊ ရေနံနှင့် သဘာဝဓာတ်ငွေ့၊ ဟိုတယ်နှင့် ခရီးသွားလာရေး အပါအဝင် ကဏ္ဍစုံပါဝင်သည်။ စုစုပေါင်းရင်းနှီးမြှုပ်နှံမှုပမာဏမှာ အမေရိကန်ဒေါ်လာ ၆၂ ဒသမ ၉ သန်းကျော်နှင့် မြန်မာကျပ်ငွေ ၂,၁၂၀ ဘီလီယံကျော်ရှိပြီး ဒေသခံပြည်သူ ၃,၃၈၂ ဦးအတွက် အလုပ်အကိုင်အခွင့်အလမ်းများ ဖန်တီးပေးနိုင်မည်ဖြစ်သည်။ လက်ရှိတွင် မြန်မာနိုင်ငံ၌ စင်ကာပူ၊ တရုတ်နှင့် ထိုင်းနိုင်ငံတို့က အများဆုံးရင်းနှီးမြှုပ်နှံထားပြီး လျှပ်စစ်နှင့် စွမ်းအင်ကဏ္ဍသည် အဓိကရင်းနှီးမြှုပ်နှံမှုအများဆုံးကဏ္ဍများအဖြစ် ရပ်တည်နေကြောင်း သိရှိရပါသည်။
