ကမ္ဘာတစ်ဝန်း အိမ်ထောင်ရေးဖောက်ပြန်မှုနှုန်းထားတွေကို လေ့လာဆန်းစစ်ချက်အသစ်တစ်ရပ်အရ နိုင်ငံအလိုက် ကွာခြားချက်တွေ သိသိသာသာ ရှိနေတာကို တွေ့ရပါတယ်။ အိမ်ထောင်ဖက်အပေါ် သစ္စာမရှိခဲ့ဘူးလို့ ဝန်ခံဖြေဆိုထားတဲ့ အိမ်ထောင်သည် အချိုးအစား များပြားနေပြီး အဲဒီအထဲမှာ ထိုင်းနိုင်ငံက ထိပ်ဆုံးမှာ ရပ်တည်နေပါတယ်။ထိုင်းနိုင်ငံမှာဆိုရင် စစ်တမ်းဖြေဆိုခဲ့တဲ့ အိမ်ထောင်သည်တွေရဲ့ ထက်ဝက်ကျော်ဖြစ်တဲ့ ၅၁ ရာခိုင်နှုန်းဟာ အိမ်ထောင်ရေးအပြင်ဘက် လိ-င်မှုကိစ္စတွေမှာ အနည်းဆုံး တစ်ကြိမ်လောက် ပါဝင်ပတ်သက်ဖူးတယ်လို့ ဝန်ခံထားကြပါတယ်။ ဒီရလဒ်ကြောင့် အိမ်ထောင်ရေး ဖောက်ပြန်မှု အပြုအမူပိုင်းဆိုင်ရာမှာ အရှေ့တောင်အာရှနိုင်ငံတစ်ခုဖြစ်တဲ့ ထိုင်းနိုင်ငံက ကမ္ဘာ့အဆင့်မှာ ရှေ့ဆုံးရောက်နေတာ ဖြစ်ပါတယ်။ဥရောပနိုင်ငံ အတော်များများမှာလည်း ဖောက်ပြန်မှုနှုန်း မြင့်မားနေတာကို တွေ့ရပြီး ဒိန်းမတ်နိုင်ငံက ဒုတိယနေရာမှာ ရှိနေသလို ဂျာမနီ နဲ့ အီတလီ တို့ကလည်း ကပ်လျက် လိုက်နေပါတယ်။ ပြင်သစ် ၊ နော်ဝေ နဲ့ ဘယ်လ်ဂျီယံ စတဲ့ နိုင်ငံတွေမှာလည်း ဖြေဆိုသူတွေရဲ့ ၄၀ ရာခိုင်နှုန်းကျော်ဟာ ဖောက်ပြန်မှု ရှိကြောင်း ဖြေဆိုထားကြတာကြောင့် နှုန်းထားမြင့်မားတဲ့ နိုင်ငံတွေစာရင်းမှာ ပါဝင်နေပါတယ်။စပိန် ၊ ဖင်လန် ၊ ယူနိုက်တက်ကင်းဒမ်း နဲ့ ကနေဒါ အပါအဝင် အခြားနိုင်ငံတွေမှာတော့ ဒီနှုန်းထားတွေက ၃၀ ရာခိုင်နှုန်း ဝန်းကျင်လောက်အထိ လျော့နည်းသွားတာကို တွေ့ရပါတယ်။ ဒီစာရင်းဇယားတွေဟာ ကိုယ်တိုင်ဖြေကြားချက်တွေအပေါ် အခြေခံထားတာဖြစ်ပြီး ယဉ်ကျေးမှုမတူညီတာနဲ့အမျှ ဖောက်ပြန်မှုအပေါ် အဓိပ္ပာယ်ဖွင့်ဆိုချက်တွေလည်း ကွဲပြားနိုင်တာကြောင့် သတိပြုလေ့လာသင့်တယ်လို့ ပညာရှင်တွေက သုံးသပ်ထားကြပါတယ်။
