မြဝတီမြို့၌ တရားမဝင်ဝင်ရောက်လာသူ တရုတ်နိုင်ငံသားအပါအဝင် ပြည်ပနိုင်ငံသား ၂၇ ဦးကို ဖော်ထုတ်ဖမ်းဆီး

ကရင်ပြည်နယ်၊ မြဝတီမြို့ဝန်းကျင်ရှိ လုပ်ငန်းဆိုဒ်များအတွင်းသို့ တရားမဝင်လမ်းကြောင်းများမှတစ်ဆင့် ခိုးဝင်လာသည့် တရုတ်နိုင်ငံသား (၂၁) ဦး၊ နီပေါနိုင်ငံသား (၃) ဦး၊ အိန္ဒိယနိုင်ငံသား (၂) ဦးနှင့် နိုင်ဂျီးရီးယားနိုင်ငံသား (၁) ဦး၊ စုစုပေါင်း ပြည်ပနိုင်ငံသား (၂၇) ဦးကို တာဝန်ရှိသူများက ဖော်ထုတ်ထိန်းသိမ်းလိုက်သည်။ အဆိုပါ နိုင်ငံခြားသားများကို သက်ဆိုင်ရာနိုင်ငံများသို့ အမြန်ဆုံးပြန်လည်လွှဲပြောင်း ပြည်နှင်နိုင်ရန်အတွက် ဌာနဆိုင်ရာပူးပေါင်းအဖွဲ့များက လိုအပ်သည့် ကိုယ်ရေးအချက်အလက်များနှင့် မှတ်တမ်းများကို စစ်ဆေးကောက်ယူလျက်ရှိကြောင်း သိရှိရပါသည်။