မန္တလေးတိုင်း၊ မိတ္ထီလာခရိုင်၊ မလှိုင်မှာ ကျားဖြန့်အတွက်သုံးဖို့ဆိုပြီး Kpay အကောင့်တွေ လိုက်လံဝယ်ယူနေ

မန္တလေးတိုင်း၊ မိတ္ထီလာခရိုင်၊ မလှိုင်မြို့မှာဒီကနေ့ ဇန်နဝါရီ ၂၆ ရက်က လူတစ်စုက ပြည်သူတွေကို ဘဏ်ဆီ ခေါ်ဆောင်ကာ Kpay အကောင့်ဖွင့်ခိုင်းပြီး အကောင့်တစ်ခု ကျပ်ငါးသောင်းပေးကာ ဝယ်ယူနေကြောင်း ဒေသခံတွေက ပြောပါတယ်။အရေအတွက်မည်မျှ Kpay အကောင့် ရောင်းလိုက်မိတယ်ဆိုတာ အတိအကျ မသိရသေးပါဘူး။ ပြည်သူတွေ အနေနဲ့ မိမိမှတ်ပုံတင်နဲ့ ပြုလုပ်ထားတဲ့ Kpay အကောင့်တွေကို ရောင်းချတာဟာ ငွေလိမ်သမား ကျားဖြန့်တွေရဲ့ အန္တရာယ် ကျရောက်နိူင်တာမို့ သတိပြုဆင်ခြင်ကြဖို့ လူထုသတင်းကွန်ရက်-မလှိုင်က သတိပေးပါတယ်။