ရန်ကုန်ရှိ မဲရုံများသို့ နိုင်ငံတကာရွေးကောက်ပွဲစောင့်ကြည့်လေ့လာရေးအဖွဲ့များ လာရောက်လေ့လာ

၂၀၂၅ ပါတီစုံဒီမိုကရေစီ အထွေထွေရွေးကောက်ပွဲ၏ အပိုင်း (၃) ကို ရန်ကုန်တိုင်းဒေသကြီးအတွင်း ကျင်းပရာတွင် နိုင်ငံတကာမှ ရွေးကောက်ပွဲကော်မရှင် ကိုယ်စားလှယ်များနှင့် သံတမန်များ လာရောက်ကြည့်ရှုလေ့လာခဲ့ကြသည်။ လေ့လာရေးအဖွဲ့တွင် ဘယ်လာရုစ်၊ ကမ္ဘောဒီးယား၊ နီပေါ၊ အင်ဒိုနီးရှား၊ ဗီယက်နမ်၊ နီကာရာဂွါ၊ အိန္ဒိယနှင့် ICAPP အဖွဲ့တို့မှ ကိုယ်စားလှယ်များအပြင် ရန်ကုန်အခြေစိုက် သံရုံး ၆ ရုံးမှ သံအမတ်ကြီးများလည်း ပါဝင်ခဲ့သည်။ နီပေါနိုင်ငံရွေးကောက်ပွဲကော်မရှင် ညွှန်ကြားရေးမှူး မစ္စတာကာမယ်လ်ဂျေနာဝါလီက မြန်မာနိုင်ငံ၏ မဲပေးစက် (Voting Machine) အသုံးပြုမှုကို ချီးကျူးခဲ့ပြီး ယင်းသည် ပွင့်လင်းမြင်သာမှုနှင့် တရားမျှတမှုကို ပိုမိုခိုင်မာစေကြောင်း ပြောကြားခဲ့သည်။ လက်ရှိတွင် အထွေထွေရွေးကောက်ပွဲ၏ အပိုင်း ၃ ပိုင်းစလုံးကို အောင်မြင်စွာ ကျင်းပပြီးစီးသွားပြီဖြစ်ကြောင်း သိရှိရပါသည်။