ရထားလက်မှတ်ကို အွန်လိုင်းမှတဆင့် ဝယ်ယူနိုင်တော့မည်

မြန်မာ့မီးရထားသည် လာမည့် ဖေဖော်ဝါရီလမှစတင်၍ ရထားလက်မှတ်များကို အွန်လိုင်းမှတစ်ဆင့် ပထမဆုံးအကြိမ် စမ်းသပ်ရောင်းချပေးတော့မည်ဖြစ်သည်။ အဆိုပါ Pilot Project တွင် ရန်ကုန်-မန္တလေး အမှတ် (၁၁ အဆန်/၁၂ အစုန်) နှင့် ရန်ကုန်-နေပြည်တော် DEMU ရထားခရီးစဉ်များ (အမှတ် ၇ အဆန်/၈ အစုန် နှင့် အမှတ် ၃၁ အဆန်/၃၂ အစုန်) ပါဝင်မည်ဖြစ်သည်။ ခရီးစဉ်အစအဆုံးအတွက် ၇ ရက်ကြိုတင်၍လည်းကောင်း၊ ကြားဘူတာများအတွက် ၃ ရက်ကြိုတင်၍လည်းကောင်း ဝယ်ယူနိုင်မည်ဖြစ်ပြီး၊ အွန်လိုင်းမှရရှိသည့် e-Receipt ကို ရထားမထွက်ခွာမီ ၁ နာရီအလိုတွင် သက်ဆိုင်ရာဘူတာရုံကောင်တာ၌ လက်မှတ်အဖြစ် ပြန်လည်လဲလှယ်ရမည်ဖြစ်ကြောင်း သိရှိရပါသည်။