မန္တလေးတိုင်းဒေသကြီး၊ ပုသိမ်ကြီးမြို့နယ်၊ ကျောက်ချောကျေးရွာအနီးရှိ မန္တလေး-ပြင်ဦးလွင်အတက်လမ်းတွင် ဇန်နဝါရီ ၂၅ ရက် နံနက် ၇ နာရီအချိန်ခန့်က Elite Express ခရီးသည်တင်ယာဉ်တစ်စီး တိမ်းမှောက်မှုဖြစ်ပွားခဲ့ရာ ယာဉ်ပေါ်ပါရှိသူ ၂၂ ဦးအနက် အမျိုးသမီးတစ်ဦး ထိခိုက်ဒဏ်ရာ (မစိုးရိမ်ရ) ရရှိခဲ့ကြောင်း သိရသည်။ အဆိုပါမတော်တဆမှုဖြစ်ပွားရာသို့ ပုသိမ်ကြီးမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ သွားရောက်ကူညီဆောင်ရွက်ခဲ့ပြီး၊ ဒဏ်ရာရရှိသူအား စေတနာမွန်လူမှုကူညီရေးအသင်းယာဉ်ဖြင့် မန္တလေးပြည်သူ့ဆေးရုံကြီးသို့ ပို့ဆောင်ကုသပေးထားကြောင်း သိရှိရပါသည်။
