ထိုင်းနိုင်ငံ၊Nam Nao အမျိုးသားဥယျာဥ်၌ တစ်နှစ်မှာတစ်ကြိမ်ဖြစ်ပေါ်တဲ့ "အရောင်ပြောင်းသစ်တော" ဖြစ်စဉ်ကြောင့်ရွှေရောင်၊ ပယင်းရောင်နဲ့ အနီရောင်တွေအဖြစ် ပြောင်းလဲနေ

ထိုင်းနိုင်ငံ၊Phetchabun က Nam Nao အမျိုးသားဥယျာဉ်မှာ ၂၀၂၆ ခုနှစ် ဇန်နဝါရီ ၂၄ ရက်နေ့ မနက်ပိုင်း အပူချိန် ၆ ဒီဂရီစင်တီဂရိတ်အထိ ကျဆင်းခဲ့ပြီး ရာသီဥတုက အရမ်းကို အေးမြနေပါတယ်။ အခုအချိန်မှာ ဒီသစ်တောကြီးဟာ တစ်နှစ်မှာတစ်ခါသာ မြင်တွေ့နိုင်တဲ့ "ရောင်စုံပြောင်းလဲတဲ့ သစ်တော" ဖြစ်စဉ်ကို ပြသနေပြီး နိုင်ငံခြားက ဆောင်းဦးရာသီအလှနဲ့ တူတယ်လို့တောင် တင်စားခေါ်ဝေါ်ကြပါတယ်။ဥယျာဉ်ရဲ့ အရှေ့ဘက်ခြမ်း ဖူလန်ကောင်ကွမ် (Phu Lang Kong Kwian) ဧရိယာတဝိုက်မှာ မိုးရာသီတုန်းက စိမ်းလန်းစိုပြေခဲ့တဲ့ သစ်တောတွေဟာ ပွင့်လင်းရာသီအစမှာ တဖြည်းဖြည်း အရောင်ပြောင်းလဲလာပါတယ်။ သစ်ရွက် သန်းပေါင်းများစွာဟာ အစိမ်းရောင်ကနေ ရွှေရောင်၊ ပယင်းရောင်၊ တောက်ပတဲ့ အဝါရောင်နဲ့ အနီရောင်တွေအဖြစ် ပြောင်းလဲသွားပြီး တောအုပ်တစ်ခုလုံးမှာ အရောင်တွေ ယှက်နွှယ်နေတဲ့ မြင်ကွင်းက တကယ့်ကို ရင်သပ်ရှုမောဖွယ်ရာပါပဲ။ဒီထူးခြားတဲ့ သဘာဝဖြစ်စဉ်ဟာ ဒီဇင်ဘာလကနေ ဇန်နဝါရီလအတွင်း ပွင့်လင်းရာသီအစမှာသာ ဖြစ်ပေါ်လေ့ရှိပါတယ်။ အချိန်ကာလတိုတောင်းတဲ့အတွက် ဒီအခွင့်အရေးကို လွဲချော်သွားမယ်ဆိုရင်တော့ နောက်တစ်နှစ်အထိ ထပ်စောင့်ရမှာပါ။ အထူးသဖြင့် မနက်ခင်း အပူချိန် ၆ ဒီဂရီစင်တီဂရိတ်လောက်အထိ အေးမြနေတဲ့ ဒီကာလဟာ သဘာဝအလှကို ခံစားရင်း အပန်းဖြေဖို့အတွက် အကောင်းဆုံးအချိန်ပဲ ဖြစ်ပါတယ်။