ထိုင်းနိုင်ငံ ရောဂါထိန်းချုပ်ရေးဌာနက ၂၀၂၆ ခုနှစ်မှာ တုပ်ကွေးနဲ့ သွေးလွန်တုပ်ကွေးရောဂါ ဖြစ်ပွားမှု ပိုမိုမြင့်မားလာနိုင်တယ်လို့ ခန့်မှန်း

ထိုင်းနိုင်ငံ ရောဂါထိန်းချုပ်ရေးဦးစီးဌာနက ၂၀၂၆ ခုနှစ်အတွက် ကျန်းမာရေးဆိုင်ရာ အန္တရာယ်တွေကို ခန့်မှန်းရာမှာ ပြီးခဲ့တဲ့နှစ်နဲ့ယှဉ်ရင် တုပ်ကွေးနဲ့ သွေးလွန်တုပ်ကွေးရောဂါ ဖြစ်ပွားမှု ပိုမိုမြင့်မားလာနိုင်တယ်လို့ ထုတ်ပြန်လိုက်ပါတယ်။ကျန်းမာရေးဝန်ကြီးဌာနမှ ပညာရှင် ဒေါက်တာ Jurai Wongswasdi က နှစ်သစ်မှာ သတိထားရမယ့် ရောဂါတွေနဲ့ ပတ်သက်ပြီး အခုလို ရှင်းလင်းပြောကြားခဲ့ပါတယ်။၂၀၂၆ ရောဂါခန့်မှန်းချက် - COVID-19၊ လက်-ခြေ-ပါးစပ်ရောဂါ၊ ဝက်သက်ရောဂါနဲ့ Melioidosis (မြေကြီးမှတဆင့်ကူးစက်သောရောဂါ) တွေ မြင့်တက်လာနိုင်သလို၊ အထူးသဖြင့် တုပ်ကွေးလူနာ ၁.၂ သန်းကျော်နဲ့ သွေးလွန်တုပ်ကွေးလူနာ ၈ သောင်းကျော်အထိ ရှိလာနိုင်တယ်လို့ ခန့်မှန်းထားပါတယ်။ လက်ရှိဖြစ်ပွားမှုတွေ - ဇန်နဝါရီလ အစောပိုင်းကာလမှာ ဝမ်းပျက်ဝမ်းလျှော၊ တုပ်ကွေးနဲ့ အဆုတ်ရောင်ရောဂါတွေ အဖြစ်အများဆုံး ဖြစ်နေပါတယ်။ စာသင်ကျောင်းတွေနဲ့ လူစုလူဝေးရှိတဲ့ နေရာတွေမှာ ရောဂါကူးစက်မှုတွေ တွေ့နေရပါတယ်။လေထုညစ်ညမ်းမှု (PM2.5) - အောက်တိုဘာလကနေ မေလအထိ PM2.5 မြင့်တက်လေ့ရှိတာကြောင့် ကလေးငယ်တွေနဲ့ သက်ကြီးရွယ်အိုတွေ အပြင်ထွက်ရင် Mask တပ်ဆင်ဖို့ အကြံပြုထားပါတယ်။ပွဲတော်ကာလ သတိပေးချက် - တရုတ်နှစ်သစ်ကူးကာလမှာ အစားအစာတွေကို ကျက်အောင်ချက်ပြုတ်စားသောက်ဖို့နဲ့ လာမယ့် ချစ်သူများနေ့မှာတော့ လိ-င်မှတစ်ဆင့် ကူးစက်တတ်တဲ့ရောဂါတွေ (ဆစ်ဖလစ်၊ ဂနို) ကာကွယ်ရေးအတွက် ကျန်းမာရေးစစ်ဆေးမှုတွေ ပြုလုပ်ဖို့ တိုက်တွန်းထားပါတယ်။