ရွှေညောင်တွင် ဆေးပစ္စည်းပြတ်လပ်မှုကို အခွင့်ကောင်းယူ၍ စျေးတင်ရောင်းချမှုများ ရှိနေ

ရှမ်းပြည်နယ်တောင်ပိုင်း၊ တောင်ကြီးမြို့နယ်၊ရွှေညောင်မြို့တွင် ကုန်ပစ္စည်းပြတ်လပ်မှုကြောင့် ဆေးဝါးပြတ်လပ်သည်ကို အခွင့်ကောင်းယူ၍ စျေး မတန်တဆ တင်ရောင်းနေကြောင်း ဝယ်ယူသူ တစ်ဦး ပြောပြချက် အရသိရသည်။ ရွှေညောင်တွင် ဝယ်ယူနေကျ ဆိုင်တွင်ပစ္စည်း မရှိသဖြင့် တခြားဆိုင်တွင် မေးမြန်းကြည့်ရာ BIOPLACENTON ဆေးတစ်ဘူးလျှင် တစ်သောင်းကျပ် ဖြင့် ရောင်းချနေကြောင်း ၊ မူလ စျေးနှုန်း ၆၅၀၀ ကျပ် ခန့်သာ ရှိကြောင်း ဝယ်ယူသူက ဆိုသည်။အလားတူ တောင်ကြီးမြို့ တွင်လည်း ဆေးဝါး ပစ္စည်း ပြတ်လပ်မှု ရှိပြီး ၊ တချို့ တန်ဖိုးကြီး ဆေးဝါးများဝယ်ယူ မရနိုင်အောင် ဖြစ်နေကြောင်း ၊ ပစ္စည်း သယ်ဆောင်ရ ခက်ခဲသဖြင့် စျေးနှုန်းလည်း တက်နေခြင်း ရှိကြောင်း သိရသည်။