ပရီးမီးယားလိဂ်မှာ ဝင်ငွေအကောင်းဆုံးအသင်းအဖြစ် လီဗာပူးလ် ရပ်တည်

ပရီးမီးယားလိဂ်အသင်းတွေထဲ ဝင်ငွေအကောင်းဆုံးအဖြစ် လီဗာပူးလ်က ပေါင် (၇၀၂)သန်းနဲ့ ရပ်တည်ခဲ့ပြီးတစ်ချိန်တုန်းက ပရီးမီးယားလိဂ်ရဲ့ဝင်ငွေအကောင်းဆုံးအသင်းဖြစ်တဲ့ မန်ယူအသင်းကတော့ဘဏ္ဍာရေးအခြေအနေ ဆက်လက်ဆိုးရွားခဲ့ပါတယ်။ပြီးခဲ့တဲ့ရာသီမှာ လီဗာပူးလ်အသင်းက ပရီးမီးယားလိဂ်ချန်ပီယံဖြစ်ခဲ့လို့ ဝင်ငွေအကောင်းဆုံးဖြစ်လာပြီးမန်ယူအသင်းကတော့ အဆင့် (၁၅)နေရာသာရပ်တည်လို့ ဥရောပပြိုင်ပွဲဝင်ခွင့်မရဘဲ ဝင်ငွေလျော့ကျခဲ့တာဖြစ်ပါတယ်။ မန်ယူအသင်းက Deloitte က ထုတ်ပြန်တဲ့ ဝင်ငွေအကောင်းဆုံးဘောလုံးအသင်းစာရင်းမှာ အဆိုးရွားဆုံးရပ်တည်မှုအဖြစ် အဆင့် (၈)နေရာရောက်ရှိခဲ့ပါတယ်။မန်ယူအသင်းက ဝင်ငွေပေါင် (၆၆၆)သန်းသာရရှိခဲ့ပြီး မနှစ်ထက်အဆင့် (၄)ဆင့်နိမ့်ကျခဲ့ပါတယ်။ဝင်ငွေအကောင်းဆုံးဘောလုံးအသင်း (၁၀)သင်းမှာ လီဗာပူးလ်၊ မန်စီးတီး၊ အာဆင်နယ်၊ မန်ယူ၊ စပါး၊ ချယ်လ်ဆီးစတဲ့ ပရီးမီးယားလိဂ်ထိပ်သီးအသင်းတွေပါဝင်ခဲ့တယ်။