ရခိုင်ပြည်နယ်၊စစ်တွေ၌ လာဘ်ငွေယူပြီး ထောင်သားတွေကို ဖုန်းပေးသုံးမှုကြောင့် စစ်တွေထောင်ပိုင် အပါအဝင် ထောင်ဝန်ထမ်းတချို့ ဖမ်းဆီးခံလိုက်ရတယ်လို့ သတင်းရရှိပါတယ်။ဖမ်းဆီးခံရသူတွေမှ စစ်တွေထောင်ပိုင် မောင်ဦး၊ ထောင်အရာရှိသူ ထွန်းကျော်နဲ့ နောက်ထပ် ထောင်ဝန်ထမ်း ၃ ဦးတို့ဖြစ်ကြတယ်လို့ အမည် မဖော်လိုတဲ့ အကျဉ်းထောင်ဝန်ထမ်း မိသားစုတစ်ဦးက နိရဉ္စရာကို ပြောပါတယ်။ထောင်ပိုင် မောင်ဦးကိုတော့ ဇန်နဝါရီလ ၁၈ ရက်ည ၁၀ နာရီခန့်မှာ စစ်ဘက်ရေးရာ လုံခြုံရေးအဖွဲ့ (စရဖ)က ဖမ်းဆီး ခေါ်ဆောင်သွားခဲ့တယ်လို့ ဆိုပါတယ်။
