ထိုင်းနိုင်ငံ၌ ကျင်းပနေသည့် အာဆီယံမသန်စွမ်းအားကစားပြိုင်ပွဲ၌ မြန်မာနိုင်ငံကိုယ်စားပြု အားကစားသမားများက ရွှေတံဆိပ် (၄) ခု ရရှိထားသည်။ကျင်းပနေသည့် အာဆီယံမသန်စွမ်းအားကစားပြိုင်ပွဲသည် (၁၃) ကြိမ်မြောက်လည်း ဖြစ်သည်။မြန်မာနိုင်ငံသည် ရေကူးအားကစားနည်း၊ သံလုံးပစ်အားကစားနည်း၊ သံပြားအဝိုင်းပစ် အားကစားနည်းတို့မှ ရွှေတံဆိပ်ရရှိထားခြင်းဖြစ်သည်ဟု သိရသည်။ငွေတံဆိပ် (၃) ခုနှင့် ကြေးတံဆိပ် (၁) ခု၊ စုစုပေါင်း ဆုတံဆိပ် (၈) ဆု ရရှိထားကြောင်းလည်း သိရသည်။
